05:00 - 08 May, 2026
ჩვენ შესახებ რეკლამა/ხელმოწერა
2017-10-01 18:10:11, 1922 ნახვა

პოლიტიკა
გიორგი ბირბიჩაძე თბილისს შემოერთებული ტერიტორიების მოსახლეობას შეხვდა

ვაკის მაჟორიტარობის კანდიდატი გიორგი ბირბიჩაძე თბილისს შემოერთებული ტერიტორიების მოსახლეობას შეხვდა. 
გიორგი ბირბიჩაძე დღეს თხინვალასა და აგარაკის დასახლებებში იმყოფებოდა, სადაც ადგილობრივ მცხოვრებთა პრობლემებს ადგილზე გაეცნო და მათ საარჩევნო პროგრამა წარუდგინა. 
გიორგი ბირბიჩაძის თქმით, მნიშვნელოვანია ქალაქის ყველა რაიონი ერთიანი სტანდარტით განვითარდეს, რაც თავის მხრივ, ყველა მოქალაქისთვის თანაბარი სერვისების ხელმისაწვდომობას გულისხმობს. 
„თბილისს შემოერთებულ დასახლებებში ძირითადი პრობლემები საგზაო და  სპორტულ ინფრასტრუქტურას, მუნიციპალურ ტრანსპორტსა და მიწისქვეშა კომუნიკაციებს უკავშირდება. ასფალტის საფარის აღდგენისა და ცოტახნის წინ განხორციელებული წყალმომარაგების სამუშაოების მიუხედავად, სოფელ თხინვალაში ზოგიერთ ოჯახს მაინც საკუთარი ძალებით უწევს აღნიშნულ პრობლემებთან გამკლავება. რაც შეეხება სოფელ აგარაკებს, მოსაწესრიგებელია მიწისქვეშა კომუნიკაციები. ზოგიერთ ოჯახს ბუნებრივი აირი შესაბამისი წნევით არ მიეწოდება, რაც ასევე მოსაგვარებელია. ჩვენი გუნდი ამ ადამიანებს სთავაზობს უკეთეს საცხოვრებელ პირობებს, გარემოს, სადაც თითოეული მათგანი თავს ღირსეულ მოქალაქედ იგრძნობს. ამ მიზნის მიღწევა კი მხოლოდ ერთადერთი გზით - 2017 წლის 21 ოქტომბრის ადგილობრივი თვითმმართველობის არჩევნებზე მისვლით და ქალაქისთვის სასიკეთო არჩევანის დაფიქსირებით არის შესაძლებელი,“- აღნიშნა გიორგი ბირბიჩაძემ მოქალაქეებთან შეხვედრისას. 
ვაკის მაჟორიტარობის კანდიდატი დღესვე ნუცუბიძის მე-4 მ/რ-ის 28-ე „ა“ კორპუსის მცხოვრებლებს შეხვდა და მათ „ქართული ოცნება - დემოკრატიული საქართველოს“ თბილისის მერობის კანდიდატის, კახი კალაძის მიერ წარდგენილი 7 ძირითადი პოლიტიკა გააცნო. 
გიორგი ბირბიჩაძის თქმით, ახალი გუნდი გამარჯვებისთანავე შეუდგება დედაქალაქის თითოეულ რაიონში არსებული პრობლემების მოგვარებას და ამ მუშაობის შედეგი თბილისელებისთვის სულ მალე გახდება ხელშესახები.  


(NS) 

 





ავტორი: ,


სოციალური ქსელები
საქართველოს ბანკისა და სულაკაურის შეთავაზება მოსწავლეებისა და სტუდენტებისთვის
ალიანსი: 4 ოქტომბრის საქმეზე დაკავებულები არიან პოლიტიკური პატიმრები
ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics