„ქართულმა ოცნებამ“ თვითონ დაწერა კონსტიტუცია, თვითონ მოიწვია პარლამენტის საგანგებო სხდომები, თავის თავთან თვითონ მიაღწია კონსენსუსს, თვითონ დაამტკიცა, საკუთარ თავს თვითონ მოუწყო ოვაციები და ახლა უნდათ, რომ პრეზიდენტის მოტივირებული შენიშვნებიც თვითონ დაწერონ“, - ამის შესახებ „თავისუფალი დემოკრატების“ წევრმა ნინო გოგუაძემ პრეზიდენტის სასახლეში განაცხადა, სადაც გიორგი მარგველაშვილი საკონსტიტუციო ცვლილებების პროცესში ჩართულ პოლიტიკურ ძალებთან კონსულტაციებს მართავს.

გოგუაძის განმარტებით, ეს სხვა არაფერია, თუ არა ტოტალიტარიზმი.

„ამ ყველაფერს გვეუბნებიან ევროპული სტანდარტის და ღირებულებების სახელით. ეს გვაფიქრებინებს, რომ მმართველ პარტიაში არა მარტო ცოდნის  დეფიციტი, არამედ საღის აზრის დეფიციტის ფუნდამენტური პრობლემაც არსებობს. ბევრი შენიშვნა არსებობს, რომელსაც ვფიქრობ პრეზიდენტი საგულდაგულოდ მიუთითებს მმართველ პარტიას“,-აღნიშნა ნინო გოგუაძემ.

ცნობისთვის, საქართველოს პრეზიდენტი გიორგი მარგველაშვილი საკონსტიტუციო ცვლილებების პროცესში ჩართულ პოლიტიკურ პარტიებს ხვდება. აღსანიშნავია, რომ შეხვედრაზე "ქართული ოცნების" წარმომადგენლები არ მივიდნენ.

ავტორი: ,

სოციალური ქსელები

„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.

საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია