ქუმსიშვილი: ბევრი უნდა გავაკეთოთ, რომ ოსი და აფხაზი ძმები მშვიდობიანი გზით დავიბრუნოთ

2017-09-27 11:11:09, 2065 ნახვა

საზოგადოება

27 სექტემბერს, სოხუმის დაცემის დღეს, პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა და მთავრობის წევრებმა საქართველოს მთავრობის სახელით ტერიტორიული მთლიანობისთვის ბრძოლებში დაღუპულთა ხსოვნას პატივი მიაგეს და გმირთა მოედანზე დაღუპულ გმირთა მემორიალი გვირგვინით შეამკეს.

„24 წელი შესრულდა სოხუმის დაცემის დღიდან. დღეს ჩვენ პატივს მივაგებთ და ქედს ვიხრით იმ ადამიანების წინაშე, რომლებიც გმირულად დაეცნენ ამ ბრძოლაში. მინდა მივუსამძიმრო იმ ოჯახებს, რომელთა შვილები, მეუღლეები, დები და ძმები დაიღუპნენ ამ ომში. ამავე დროს, მინდა აღვნიშნო, რომ ჩვენ ძალიან ბევრი უნდა გავაკეთოთ იმისათვის, რომ დავიბრუნოთ ოსი და აფხაზი ძმები, დავიბრუნოთ ისინი მშვიდობიანი გზით, ჩვენი ქვეყნის სიძლიერით და იმ სიყვარულით, რომელიც ძალიან მნიშვნელოვანია შემდგომში ერთობლივად ცხოვრებისთვის,“ - განაცხადა პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები