„სახალხო დამცველი ვერ ჩაერევა კერძო სამართლებრივ ურთიერთობებში“, – ამის შესახებ სახალხო დამცველის მოადგილე პაატა ბელთაძემ ჟურნალისტებს სახალხო დამცველის აპარატთან განუცხადა, სადაც იპოთეკით დაზარალებულების აქცია მიმდინარეობს. 

როგორც მან განმარტა, სახალხო დამცველს იპოთეკით დაზარალებულების საკითხში ჩარევა იმ შემთხვევაში შეეძლება, თუ კი აღსრულების დროს გამოსახლების პრინციპი დარღვეული იქნება.

„ამ ადამიანების ვითარება მართლაც ძალიან მძიმეა. როდესაც პარლამენტში ამ პრობლემის მოგვარების მიზნით სავარაუდო კანონპროექტზე მიმდინარეობდა მუშაობა, სახალხო დამცველმა საკანონმდებლო ხელისუფლებას მიმართა რეკომენდაციით, რომ აუცილებელია გათვალისწინებული იყოს ადამიანთა უფლებების დაცვის საკითხი, თუმცა,  სახალხო დამცველი კერძო სამართლებრივ ურთიერთობებში ვერ შევა. რაც შეეხება ამ ადამიანების ბედს, ეს არის წმინდა სახელმწიფოს პრეროგატივა და სახალხო დამცველი ვერ განსაზღვრავს იმ მიმართულების პოლიტიკას, თუ რა უნდა განხორციელდეს ამ ადამაინების დასაკმაყოფილებლად“, – აღნიშნა ბელთაძემ.

მისივე ინფორმაციით, უწყებას აქამდეც მოუხდენია ინდივიდუალურ მიმართვაზე რეაგირება.

„ჩვენ გვქონდა გამოსახლებებთან დაკავშირებით რამდენიმე შემთხვევა, როდესაც ოჯახი სოციალურად დაუცველი იყო, ან ბავშვი ჰყავდათ, ასეთ შემთხვევაში მიმართული გვავქვს აღსრულების ეროვნული ბიუროსათვის შუამდგომლობით გამოსახლების გადავადებასთან დაკავშირებით. მაგრამ, რაც შეეხება გამოსახლებების პროცესის შეჩერებას, ეს ჩვენს კომპეტენციაში არ შედის“, – განაცხადა პაატა ბელთაძემ.

სახალხო დამცველის მოადგილე აქციის მონაწილეებს შეხვდა.

ბელთაძის თქმით, უჩა ნანუაშვილის საქართველოში დაბრუნების შემდეგ, იპოთეკით დაზარალებულებს მასთან შეხვედრის შესაძლებლობა ექნებათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო