თბილისის საკრებულოს წევრობისთვის, პირველად ლგბტ თემის წარმომადგენელი იბრძოლებს

2017-09-15 14:10:27, 2067 ნახვა

პოლიტიკა

დედაქალაქის საკრებულოს წევრობისთვის, საქართველოში პირველად ლგბტ თემის წარმომაადგენელი ნინო ბოლვაძე იბრძოლებს.

ნინო ბოლვაძე არჩევნებში "რესპუბლიკურ პარტიის" სახელით იღებს მონაწილეობას.

პარტიის თავმჯდომარის, ხათუნა სამნიძის განცხადებით, ნინო ბოლბაძისა და "რესპუბლიკელების" ხედვა ერთმანეთს ემთხვევა. მისივე თქმით, ბოლვაძე პირველი იყო ვინც პარტიის ინიციატივას გამოეხმაურა.

"ბოლვაძე პირველი გამოეხმაურა ინიციატივას, როცა მოვუწოდეთ ყველა ადამიანს, პარტიულ თუ უპარტიოს, ვისაც სურდა წვლილი შეეტანა ქალაქის განვითარებაში, ყოფილიყო ჩვენ გვერდით თვითმმართველობის არჩევნებზე. მის წარმატებაში დარწმუნებულები ვართ", - განაცხადა სამნიძემ.

ცნობისთვის, "რესპუბლიკურმა პარტიამ" დღეს თბილისის საკრებულოს პროპორციული სიის მეორე ხუთეული წარადგინა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები