პარლამენტის ყოფილი თავმჯდომარის დავით უსუფაშვილის შეფასებით, უკრაინა-პოლონეთის ურთიერთობები საქართველოს ექს-პრეზიდენტ  მიხეილ სააკაშვილის ირგვლივ ბოლო დროს განვითარებული მოვლენებიდან გამომდინარე გართულდა.

"ფაქტია, რომ პრობლემა სერიოზულია, პრობლემა გართულდა, გართულდა უკრაინა- პოლონეთის ურთიერთობებიც, რომელიც ისედაც არ იყო ია ვარდით მოფენილი და ეს არ არის რაღაც ლოკალური თემა. ამ ტიპის საკითხებს აქვს გეოპოლიტიკური პოტენციალი. ვისურვებდი, რომ გაუმკლავდნენ ამ საქმეს არა შაშის თამაშით,  არამედ ჭადრაკის თამაშით. ხისტი გადაწყვეტილებები - მოდი, აღვძრავთ საქმეს, მივცემთ პასუხისგებაში, არ შემოვუშვებთ, კარგადაა ხოლმე გასათვლელი, ამით ვის წისქვილზე ესხმება წყალი",-განაცხადა დავით უსუფაშვილმა.

მისივე თქმით, მიხეილ სააკაშვილისთვის საქართველოს მოქალაქეობა არ ჩამოურთმევია, არამედ მან თავად თქვა უარი მასზე.

"როდესაც ბატონი სააკაშვილი ბრძანებს, რომ მას საქართველომ ჩამოართვა მოქალაქეობა, ეს არასწორია, მან თავად თქვა უარი საქართველოს მოქალაქეობაზე იმიტომ, რომ მშვენივრად იცოდა კონსტიტუციაში რა ეწერა",-აღნიშნა უსუფაშვილმა

ავტორი: ,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს