კახეთის გუბერნატორი: ქარის შედეგად, ართანაში, კოხტას მთაზე უკვე ლოკალიზებული კერები ხელახლა გაღვივდა

2017-09-07 08:51:56, 2347 ნახვა

კომენტარი

კახეთის გუბერნატორის ირაკლი ქადაგიშვილის განცხადებით, ქარის შედეგად ართანაში, კოხტას მთაზე უკვე ლოკალიზებული კერები ხელახლა გაღვივდა.

როგორც ქადაგიშვილმა ტელეკომპანია "იმედის" ეთერში აღნიშნა, მეხანძრე-მაშვლებს უწევთ იგივე სამუშაოების შესრულება, რომლებიც გუშინ უკვე დამთავრებული ჰქონდათ.

"ქარი არის ყველაზე ცუდი რაც შეიძლებოდა დღეს მომხდარიყო. ქარმა გამოიწვია უკვე ის, რომ ჩამქრალი, ლოკალიზებული კერების ხელახლა გაღვივება მოხდა. ამიტომ, ახლა ჩვენს მეხანძრე-მაშველებს უწევთ იმ სამუშაოს ხელახლა გაკეთება, რაც გუშინ ფაქტობრივად დამთავრებული იყო და მხოლოდ ერთი აქტიური კერა გვქონდა დარჩენილი. ეს გვირთულებს ამოცანას. რაც შეეხება ცეცხლის გავრცელებას და ახალი კერების წარმოქმნას, ვფიქრობთ, რომ ჩვენი ძალების მობილიზაცია და ვერტმფრენების მუშაობა გვაძლევს იმის საშუალებას, რომ ვთქვათ - ცეცხლი არ გავრცელდება. უბრალოდ უკვე ცეცხლმოკიდებულ და ჩამქრალ ტერიტორიაზე ხელახალი აქტივაცია მოხდა და ამან გამოიწვია დაკვამლიანების გაძლიერებაც. ცეცხლი მოსახლეობას და არც მათ საკუთრებას არ ემუქრებათ", - განაცხადა ქადაგიშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები