კახეთში, სოფელ ართანასთან, კოხტას მთის ფერდობზე გაჩენილი ხანძრის ქრობის პროცესში ავიაციის ჩართვა ჯერჯერობით ვერ ხერხდება.

როგორც კახეთის გუბერნატორმა ირაკლი ქადაგიშვილმა აღნიშნა, მიზეზი დაკვამლიანება და ნისლია.

მისივე თქმით, ადგილზე ვითარება კონტროლს ექვემდებარება.

"ადგილზე ხანძრის 3-4 კერაა. ვერტმფრენი დღეს დილას ადრიანად უკვე იყო შესული დაზვერვაზე. ალბათ, დაკვამლიანებისა და ნისლის გამო, ცოტა ხანი ვერტმფრენებს მუშაობის საშუალება არ ექნებათ. ნისლი თავისთავად კარგია, რადგან ის ტენის შემცველობასაც ნიშნავს. ასე რომ, ართანის მიმართულებაზე სიტუაცია სტაბილურია და კონტროლს ექვემდებარება", - აღნიშნა ქადაგიშვილმა. 

ცნობისთვის, სოფელ ართანის ტყეში, კოხტას მთის ფერდობზე ხანძარი  2 სექტემბერს გაჩნდა. ამ დროისთვის უცნობია თუ რამდენი ჰექტარი მოიცვა ხანძარმა. ხანძრის ქრობის პროცესში ასობით მეხანძრე მაშველი, ასევე განსაკუთრებულ დავალებათა დეპარტამენტის თანამშრომლები მონაწილეობენ. მობილიზებულია შესაბამისი ტექნიკა და ვერტმფრენები.

ავტორი: ,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

გაინტერესებს როგორ დააგროვო PLUS ქულები საქართველოს ბანკის ტერმინალით გადახდისას?

კაცს, რომელმაც რომელმაც ვერაზე 4 პირი დაჭრა, 20 წლამდე ან უვადო პატიმრობა ემუქრება

პროკურატურა ონისე ოქრიაშვილზე თავდამსხმელის 5 000-ლარიანი გირაოთი გათავისუფლებას მოითხოვს