2017-08-11 14:38:44, 2564 ნახვა
კომენტარი
ჯეჯელავა: ყველა, ვინც თავის მოვალეობას ჯეროვნად არ შეასრულებს, აუცილებლად დატოვებს თანამდებობას
განათლების მინისტრი ალექსანდრე ჯეჯელავა არ ადასტურებს გავრცელებულ ინფორმაციას, რომ თითქმის ყველა დეპარტამენტის უფროსმა დატოვა თანამდებობა.
ჯეჯელავას განცხადებით, საკადრო ცვლილებები მიმდინარეობს, თუმცა ეს მასიური არ არის:
„არ შეესაბამება სიმართლეს. ანუ, ყველა დეპარტემენტის უფროსს არ დაუტოვებია თანამდებობა, არც ნახევარი დეპარტამენტების უფროსებს არ დაუტოვებია თანამდებობა. რაც შეეხება საკადრო ცვლილებებს, ეს პროცესი მუდმივად მიმდინარეობს და აბსოლუტურად ყველა-დეპარტამენტის უფროსი, სამმართველოს უფროსი, რიგითი თანამშრომელი, ვინც თავის მოვალეობას ჯეროვნად არ შეასრულებს, აუცილებლად დატოვებს თანამდებობას. მასობრივი პროცესი არ ხდება“,-აღნიშნა ალექსანდრე ჯეჯელავამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
