განათლებისა და მეცნიერების სამინისტრო სექტემბერში პროფესიული განათლების შესახებ ახალ კანონს წარადგენს.

დაგეგემილ სიახლეები მინისტრმა ალექსანდრე ჯეჯელავამ ჟურნალისტებს გააცნო.

მისი თქმით, ახალი კანონით პროფესიულ სტუდენტებს შეეძლებათ 12 კლასის ატესტატი მიიღონ და გააგრძელონ სწავლა უმაღლეს სასწავლებელში.

გარდა მისა, ჯეჯელევას ინფორმაციით, ახალი კანონით მოსწავლე-სტუდენტების დაფინანსება შესაძლებელი გახდება.

„პროფესიულ სისტემაში შევეცდებით ჩავაშენოთ სრული თორმეტი კლასის  მიღების შესაძლებლობა. კერძოდ,  კოლეჯებში მოსწავლე-სტუდენტების დაფინანსების შესაძლებლობა მოგვეცემა ახალი კანონით. კანონი მისცემთ შესაძლებლობას გაყიდონ თავისი პროდუქცია, სტუდენტების მიერ დამზადებული პროდუქტების პრაქტიკული ღირებულება გაიზარდოს, ეს კანონი პროფესიული განათლების მიმართულებით ევროპულ კანონმდებლობასთან სრულ თავსებადობაში იქნება. ჩვენი მიზანია აქ მიღებული განათლება იყოს შესაბამისი ევროკავშირთან. ახალი კანონი მოგვცემს შესაძლებლობას ეს თავსებადობა უზრუნველვყოთ“,-განაცხადა ჯეჯელავამ და დასძინა, რომ კიდევ ერთი სიახლე კანონში ეს არის პროფესიული უნარების აღიარება.

„პროფესიული უნარების აღიარება ნიშნავს იმას, რომ რაც კარგად იცი, დავუშვათ კარგი ოპერატორი ან სტილისტი თუ ხარ ამას შევამოწმებთ, თუ ჩააბარებს წარმატებით მივცემთ დიპლომს. ერთი უცხო ენის ცოდნა იქნება დამამთავრებელი, შეიძლება არ იცოდეს უცხო ენა, ჩვენ ვეუბნებით შეავსეთ კვალიფიკაცია და შემდეგ მოგცემთ დიპლომს. როცა ასარჩევი გექნება დიპლომირებულ ელექტრიკს აიყვანთ სამუშაოდ თუ უდიპლომოს?, მას დაედება ფასი“,-განაცხადა ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის