2017-08-05 14:08:41, 2970 ნახვა
სამართალი
ყაზბეგის სოფელ გარბანში ქმარმა ცოლი მოკლა
ყაზბეგის რაიონის სოფელ გარბანში მამაკაცმა მეუღლე მოკლა.
არსებული ინფორმაციით, 33 წლის ქალს ჭრილობები ცივი იარაღით ჰქონდა მიყენებული. იგი საავადმყოფოში მიყვანის შემდეგ გარდაიცვალა.
როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, სამართალდამცველებმა ბრალდებული ცხელ კვალზე დააკავეს.
გამოძიება სისხლის სამართლის კოდექსის 11-ე პრიმა და 108-ე მუხლით მიმდინარეობს, რაც ოჯახის ერთი წევრის მიერ მეორის განზრახ მკვლელობას გულისხმობს.
შემთხვევა 3 აგვისტოს მოხდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
