2017-07-29 15:52:10, 2746 ნახვა
სამართალი
შსს-მ ხარაგაულში, სარკინიგზო გვირაბის ნაწილის ჩამონგრევის ფაქტზე გამოძიება დაიწყო
შინაგან საქმეთა სამინისტრომ ხარაგაულში სარკინიგზო გვირაბის ნაწილის ჩამონგრევის ფაქტზე გამოძიება დაიწყო.
როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, გამოძიება სისხლის სამართლის კოდექსის 240-ე მუხლით მიმდინარეობს, რაც სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
შეგახსენებთ, ხარაგაულში, სოფელ ანეულასთან, სადაც სარკინიგზო გვირაბების მშენებლობა მიმდინარეობს, გვირაბის ნაწილი ჩამოინგრა. შემთხვევის შედეგად ორი მუშა დაშავდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
