აჭარის მთავრობის თავმჯდომარე ზურაბ პატარაძემ აჭარის მთავრობის ადმინისტრაციაში ევროკომისიის ვიცე-პრეზიდენტთან მაროში შევჩოვიჩთან და საქართველოში ევროკავშირის ელჩთ იანოშ ჰერმანთან გაცნობითი ხასიათის შეხვედრა გამართა.

აჭარის მთავრობის პრესსამსახურის ინფორმაციით, ევროპელ სტუმრებს ზურაბ პატარაძემ აჭარის რეგიონის ტურისტულ და საინვესტიციო პოტენციალზე ესაუბრა.

მთავრობის თავმჯდომარემ მათ ინფორმაცია მიაწოდა აჭარის ავტონომიური რესპუბლიკის აღმასრულებელი და საკანონმდებლო სტრუქტურების შესახებ, წარუდგინა ასევე შეხვედრაზე მყოფი აჭარის მთავრობის წევრები.

ზურაბ პატარაძემ მადლობა გადაუხადა ევროკავშირის წარმომადგენლობას ქვეყნისათვის გაწეული დახმარებისა და ევროინტეგრაციის პროცესში თანადგომისათვის.

მაროშ შევჩოვიჩმა, თავის მხრივ, მადლობა გადაუხადა აჭარის მთავრობის ხელმძღვანელ პირებს რეგიონში მასპინძლობისათვის.

მისი თქმით, აჭარა  ევროკავშირის მიერ განხორციელებული პროექტების სიმრავლით გამოირჩევა და ერთ-ერთ ყველაზე წარმატებულ მაგალითს წარმოადგენს საქართველოში.

 „განსაკუთრებით შთამბეჭდავია მიმდინარე საერთაშორისო პროექტების რიცხვი, რომელიც აჭარაში ხორციელდება სოფლის მეურნეობისა და განათლების მიმართულებით" - აღნიშნა ევროკომისიის ვიცე-პრეზიდენტმა.

შეხვედრაზე საუბარი შეეხო ასევე მიმდინარე მსხვილ ინფრასტრუქტურულ პროექტებს, რომლებიც ევროპული ორგანიზაციების მხარდაჭერით სატრანზიტო რეგიონის კიდევ უფრო განვითარების მიზნით ხორციელდება, მათ შორის ევროპის რეკონსტრუქციისა და განვითარების ბანკის (EBRD) მხარდაჭერილი პროექტი, რომელიც ქალაქ ბათუმში 10 ელექტრო და 20 ახალი ევრო 5 სტანდარტის ავტობუსის შემოყვანას გულისხმობს.

შეხვედრას  ასევე ევროკავშირის წარმომადგენლობის მაღალი რანგის პირები ესწრებოდნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საქართველოს ბანკის“ ტერმინალი სალარო აპარატის ფუნქციით - 0% საკომისიო საბარათე გადახდებზე მიკრო და მცირე ბიზნესისთვის

ევროკომისიის სპიკერი: უნდა გაათავისუფლონ ვახო სანაია, ყველა სხვა დაკავებული პირიც

რუმინეთის პრეზიდენტი ქვეყნის საჰაერო სივრცეში რუსული დრონის ჩამოგდებას იუწყება

კიდევ ერთი გამარტივებული პროცესი თიბისისგან თვითდასაქმებულებისთვის