მუსტაფა ჩაბუქის მეუღლემ სახელმწიფო დაცვის სპეციალურ პროგრამაში ჩართვის მოთხოვნით პროკურატურას მიმართა

2017-07-05 15:04:59, 2477 ნახვა

სამართალი

დემირელის კოლეჯის ხარისხის მართვის მენეჯერის მუსტაფა ემრე ჩაბუქის მეუღლემ თუბა ჩაბუქიმ სახელმწიფო დაცვის სპეციალურ პროგრამაში ჩართვის მოთხოვნით მთავარ პროკურატურას მიმართა.

ჩაბუქის მეუღლის განცხადებით, მისი ქმრის დაკავების შემდეგ სოციალური ქსელის მეშვეობით იგი გამუდმებით იღებს მუქარის შემცველ შეტყობინებებს, მისთვის უცნობი პირებისგან.

"მუქარის გზავნილებს ადრეც ვიღებდი, თუმცა ბოლო პერიოდში ამან უფრო აგრესიული ხასიათი მიიღო. განადგურებით მემუქრებიან. მე ორი მცირეწლოვანი შვილი მყავს, ახლა მეუღლეც არ მყავს გვერდით, ამიტომ ძალიან მეშინია - აცხადებს მაუწყებელთან საუბრისას მუსტაფა ემრე ჩაბუქის მეუღლე, თუბა ჩაბუქი.

ჯერჯერობით უცნობია დააკმაყოფილებს თუ არა პროკურატურა ჩაბუქების ოჯახის მოთხოვნას დაცვის დანიშვნასთან დაკავშირებით.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან