საქართველოს პრეზიდენტი გიორგი მარგველაშვილი მიიჩნევს, რომ პოლიტიკაში ისეთი ხრიკების გამოყენება, როგორც ვადაზე ადრე გადადგომაა, არასწორია.

„არ მჯერა, რომ პოლიტიკა ასეთი ხრიკებით უნდა იქნას განპირობებული“, - ასე უპასუხა საქართველოს პრეზიდენტმა, გიორგი მარგველაშვილმა, „არჩევანის“ პირდაპირ ეთერში, შეკითხვას - „რამდენად შეიძლება პრეზიდენტმა მიიღოს გადადგომის გადაწყვეტილება საკონსტიტუციო პროცესის შესაჩერებლად“.

როგორც მარგველაშვილმა აღნიშნა, პოლიტიკაში არის ხრიკები, მაგრამ არ სჯერა, რომ პოლიტიკა ასეთი ხრიკებით უნდა იყოს განპირობებული.

„ეს ჩემი სტილი არ არის და სწორად არ მიმაჩნია, რომ რაღაც ხრიკით რაღაც პროცესი შევაჩერო,“ - განაცხადა პრეზიდენტმა და დასძინა, რომ ქართულმა საზოგადოებამ უნდა გადაწყვიტოს, სურს თუ არა პრეზიდენტის პირდაპირი წესით არჩევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის