„ჩვენ არასოდეს შევეგუებით იმ ისტორიულ უსამართლობას და ვანდალიზმს, რაც ხდება ჩვენს მიწა-წყალზე და ეს შეუგუებლობა მიგვიყვანს ჩვენ ჩვენი სამშობლოს ტერიტორიული მთლიანობის აღდგენამდე“, - ამის შესახებ საქართველოს პრეზიდენტმა გიორგი მარგველაშვილმა „რუსთავი 2“-ის გადაცემა „არჩევანში“ განაცხადა.

როგორც პრეზიდენტმა აღნიშნა, რუსეთი საქართველოს ერთიანობის შესარყევად, გამიზნულ პოლიტიკას იყენებს და ამასთან შეგუება დაუშვებელია.

”ამ ვითარებას რამდენიმე კომპონენტი გააჩნია - პირველი ეს არის რუსეთის ფედერაცია, რომელიც 21-ე საუკუნეში ერთდროულად ცდილობს, იყოს გლობალური პოლიტიკის მოთამაშე, ცდილობს იყოს იმ დიდ ქვეყანათა შორის, რომლებიც განაპირობებენ ჩვენს პლანეტაზე წესრიგს და ამავე დროს აქვე, ევროპის ტერიტორიაზე, საქართველოში მოქმედებს სრულიად შუასაკუნებრივი ლოგიკით, სადაც დამოკიდებულება არის ასეთი - მე რადგან გამაჩნია იარაღი, მე გამაჩნია ძალაუფლება, მე მაქვს შენს ტერიტორიაზე განთავსებული სამხედრო შენაერთები, მე ყოველდღიურად შეგიქმნი სირთულეს ყოველდღიურად, მე შენს მოქალაქეებს, რომლებსაც არაფერი არ დაუშავებიათ, ყოველდღიურად შევავიწროვებ. ეს არის ის შუასაუკუნებრივი ლოგიკა, რომლზეც დიდი ხანია კაცობრიობამ უარი თქვა. რუსეთის ფედერაციას აქვს ერთი რიტორიკა, ჩვენ უნდა დავაკვირდეთ, კარგად შევისწავლოთ რას ამბობენ რუსები - ისინი გვეუბნებინ ჩვენ ძალიან მტკივნეულ რამეს, რომ მიიღეთ რეალობაო. ეს არის გამიზნული პოლიტიკა, რომ შეარყიოს ჩვენი მდგრადობა, ერთიანობა და სრული მიუღებლობა საქართველოს ოკუპაციის“, - განაცხადა პრეიზდენტმა.

ცნობისთვის, რუსმა სამხედროებმა სოფელ ბერშუეთთან ე.წ საზღვრის ახალი მანიშნებელი ბანერები დაამონტაჟეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის