ე.წ. ციანიდის საქმეზე დაცვის მხარის მოწმედ, დიდუბე-ჩუღურეთის რაიონის პოლიციის ყოფილი უფროსი ირაკლი ფირცხალავა დაიკითხება, - ამის შესახე ჟურნალისტებს მამალაძის სახაზინო წესით დანიშნულმა ადვოკატმა პაატა მეხრიშვილმა განუცხადა.

მისი თქმით, ფირცხალავას მიერ რამდენიმე დღის წინ გავრცელებული განცხადებიდან გამომდინარე, რომლითაც ის ირკალი მამალაძეს აგენტად და პროვოკატორად მოიხსენიებს, მისი დაკითხვის შუამდგომლობა თავად დააყენეს.  

„ირაკლი ფირცხალავა დაიკითხება, როგორც დაცვის მხარის მოწმე. ფირცხალავამ საჯაროდ განაცხადა, რომ ირაკლი მამალაძე აგენტი და პროვოკატორია, რომ მას არაერთ საქმეში მიუღია მონაწილეობა როგორც აგენტს და პროვოკატორს.  ბუნებრივია პროვოკაციის სუნი ასდის ამ საქმესაც. პროვოკაციული იყო ის ფარული აუდიო ჩანაწერი, რომელიც განახორციელა მან მამა გიორგისთან. შესაბამისად, დავაყენეთ შუამდგომლობა, რომ დაეკითხათ ირაკლი ფირცხალავა და მოსამართლემ ეს შუამდგომლობა დააკმაყოფილა“, - აღნიშნა პაატა მეხრიშვილმა და დასძინა, რომ ირაკლი ფირცხალავა მას შემდეგ დაიკითხება, რაც პროკურატურა ბრალდების შუამდგომლობების გამოკვლევის პროცესს დაასრულებს.

ცნობისთვის, ამ წუთებში სასამართლოს ჩვენებას ადვოკატი ლილი გელაშვილი აძლევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ობამამ გააკრიტიკა ტრამპის ირანთან მიღწეული შეთანხმება: „ჩვენ ისევ საწყის წერტილს დავუბრუნდით“

NYT: ტრამპმა ზელენსკისთან დაპირისპირებას „შესანიშნავი სატელევიზიო შოუ“ უწოდა

დრონებით თავდასხმების გამო, რუსეთში ბენზინის წარმოება ივნისში ერთი მეოთხედით შემცირდა

ზელენსკიმ ლუკაშენკოს ერთი კვირა მისცა ბელარუსში იმ აღჭურვილობის გასათიშად, რომელიც რუსეთს უკრაინაში დარტყმებში ეხმარება