პრეზიდენტის შეხვედრა აზერბაიჯანელი ჟურნალისტის აფგან მუხთარლის მეუღლესთან, ლეილა მუსტაფაევასთან, დასრულდა.

შეხვედრის დეტალებზე მედიასთან პრეზიდენტის საპარლამენტო მდივანმა ანა დოლიძემ ისაუბრა.

მისი თქმით, პრეზიდენტი დაჰპირდა ლეილა მუსტაფაევას, რომ მისი მეუღლის საქმე მუდმივი მონიტორინგის ქვეშ ექნება და გამოძიების მიმდინარეობას დააკვირდება:

"აფგან მუხთარლის გატაცება სერიოზულ გამოწვევას წარმოადგენს ჩვენი სახელმწიფოსთვის-მისი სუვერენიტეტისთვის, მისი დემოკრატიულობისთვის, მისი ფასეულობებისთვის იმიტომ, რომ ეს არის სტუმარ-მასპიძლის ქვეყანა. ძალიან მნიშვნელოვანია, ყველა კითხვაზე, რომელიც აქვს დაზარალებულ მხარეს და ოჯახს, გაეცეს პასუხი დროულად. ეს კითხვებია- რატომ აწარმოებს გამოძიებას კვლავ შსს, რატომ არ აქვს მის მეუღლეს დაზარალებულის სტატუსი და ბევრი მნიშვნელოვანი ეჭვი, რომელიც ოჯახს აქვს. მნიშვნელოვანია, გამოძიებამ  იმუშაოს ისე, რომ ოჯახი დარწმუნდეს, რომ მისი ინტერესები დაცულია და რომ გამოძიება ეფექტურად წარიმართება. საქართველოს პრეზიდენტი დაჰპირდა მუხთარლის მეუღლეს და მის ადვოკატს, რომ გვექნებოდა მუდმივი მონიტორინგი ამ საქმის განვითარების, რომ მზად ვიყავით და ვიქნებით ინფორმაციის მისაღებად დაზარალებულის მხრიდან და რომ მუდმივად ჩართული ვიქნებით ამ საქმის გამოძიების მიმდინარეობაში, ვინაიდან ეს არის პირველ რიგში ჩვენი ქვეყნის პრესტიჟის საკითხი",-აღნიშნა ანა დოლიძემ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა