„საქართველო და უკრაინა იხდიან ფასს იმისთვის, რომ ჩვენ ნატო-ს ჯარები გვიცავს“, - ამის შესახებ ესტონეთის თავდაცვის მინისტრმა მარგუს ცაკნამ „ატლანტიკური საბჭოს“ მიერ ორგანიზებულ კონფერენციაზე განაცხადა.

„ამერიკის ხმის“ ქართული ბიუროს ინფორმაციით, მინისტრმა განაცხადა, რომ საქართველო მოწოდებულია გახდეს ნატო-ს წევრი და საერთო მისიებში თავისი წვლილი შეაქვს.

„მნიშვნელოვანია არ დავივიწყოთ, რომ საქართველოს ტერიტორიები ისევ ოკუპირებულია. მე, როგორც ესტონეთის თავდაცვის მინისტრს მესმის, რომ საქართველო და უკრაინა იხდიან ფასს იმისთვის, რომ ჩვენ ნატო-ს ჯარები გვიცავს. ჩვენ მჭიდროდ უნდა ვითანამშრომლოთ მათთან. გახდებიან თუ არა საქართველო და უკრაინა ალიანსის სრულუფლებიანი წევრები, პოლიტიკური გადაწყვეტილებაა. საქართველო მოწოდებულია გახდეს ნატო-ს წევრი, საქართველოს თავისი წვლილი შეაქვს ჩვენს საერთო მისიებში. ესტონეთი საქართველოსთვის საუკეთესო მეგობარია. ყველა ფორუმზე ვახსენებ საქართველოს, იმიტომ, რომ ჩვენსავე ინტერესებში შედის რუსეთს რუხი ზონები არ დავაშენებინოთ. ჩვენ მოკავშირეების გვერდით უნდა დავდგეთ იმის მიუხედავად, რომ ჩვენი ზოგიერთი მეგობარი ალიანსის წევრი არ არის“, - აღნიშნა მარგუს ცაკნამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება