თურქეთის პროკურატურამ რუსეთის ელჩის, ანდრეი კარლოვის მკვლელობის სავარაუდო დამკვეთთა ვინაობა დაადგინა, - ამის შესახებ თურქული გამოცემა Hurriyet daily news იუწყება.

მედია საშუალების ინფორმაციით, პროკურატურას 5 ეჭვმიტანილი ჰყავს. ერთ-ერთი მათგანი შესაძლოა მკვლელობის უშუალო დამკვეთი იყოს.

როგორც სააგენტო წერს, ხუთივე ეჭვმიტანილი იმავე სასტუმროში იყო რეგისტრირებული, სადაც დიპლომატზე თავდასხმა განხორციელდა. სამართალდამცველებმა ასევე დაადგინეს, რომ უშუალო თავდამსხმელი, მევლუთ ალთინთაში რამდენიმე დღით ადრე ამ სასტუმროს სიახლოვეს მდებარე სავაჭრო ცენტრში იმყოფებოდა. აღნიშნულ სავაჭრო ცენტრში ის პროგრამა ფეისთაიმის მეშვეობით, ეჭვმიტანილებს ესაუბრა. მოგვიანებით კი ისინი ერთმანეთს სასტუმროში შეხვდნენ. 

შეგახსენებთ, რომ თურქეთში რუსეთის ელჩი ანდრეი კარლოვი ანკარაში, 19 დეკემბერს თანამედროვე ხელოვნების ცენტრში სიტყვით გამოსვლის დროს მოკლეს. ელჩის მკვლელი, 22 წლის ყოფილი პოლიციელი მევლუთ მერტ ალტინტაში სამართალდამცველებმა ადგილზევე მოკლეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება