აზერბაიჯანის პარლამენტის ადამიანის უფლებათა კომიტეტის წევრის ელმან ნასიროვის განცხადებით, ჟურნალისტი აფგან მუხთარლი საქართველოსა და აზერბაიჯანის სპეცსამსახურების თანამშრომლობის შედეგად დააპატიმრეს. 

ამის შესახებ დეპუტატმა "რადიო თავისუფლების" აზერბაიჯანულ ბიუროსთან ინტერვიუში განაცხადა. 

„ანალიზი აჩვენებს, რომ აფგან მუხტარლი დიდი ქსელის ერთი ნაწილია. ეს რომ მხოლოდ მუხტარლის შეხებოდა, ბუნებრივია, მისი დაპატიმრება საჭირო არ იქნებოდა. საქართველომ და აზერბაიჯანმა ეს ნაბიჯი სპეცსამსახურების თანამშრომლობის შედეგად გადადგეს. 

სამართალდამცავებმა ძალიან დიდი პროფესიონალიზმი გამოავლინეს. გარკვეული პიროვნებების მხრიდან მუხტარლის საქმეში აზერბაიჯანული მხარის დადანაშაულება საფუძველსმოკლებულია. მუხტარლის დაკავება გონივრული იყო. ეს აზერბაიჯანული სპეცსამსახურების მიერ ბოლო წლებში ჩატარებული ყველაზე წარმატებული სპეცოპერაციაა“, - განაცხადა ელმან ნასიროვმა. 

ჟურნალისტის კითხვას, რამდენად სამართლიანი იყო, რომ აფგან მუხთარლის დაპატიმრების დროს თავზე ტომარა ჩამოაცვეს, ნასიროვმა აღნიშნა, რომ ტექნიკურ დეტალებში გათვიცნობიერებული არ არის.

მისი თქმით, ყველა ნაბიჯი საერთაშორისო სამართლის პრინციპების შესაბამისად გადაიდგა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება