ძალადობის საპასუხოდ საქართველოს ჯანდაცვის სისტემის გაძლიერების მიზნით, გაეროს ერთობლივი პროგრამის „გენდერული თანასწორობისთვის“ ფარგლებში, თანამშრომლობის მემორანდუმი გაფორმდა.

მემორანდუმს ხელი  შრომის, ჯანმრთელობისა და სოციალური დაცვის მინისტრმა დავით სერგეენკომ და გაეროს სააგენტოების - გაეროს მოსახლეობის ფონდის საქართველოს ოფისის ხელმძღვანელმა ლელა ბაქრაძემ (UNFPA) და საქართველოში გაეროს ქალთა ორგანიზაციის (UN Women) წარმომადგენელმა ერიკა კვაპილოვამ მოაწერეს.

მემორანდუმის საფუძველზე, გაეროს სააგენტოები დაეხმარებიან საქართველოს შრომის, ჯანმრთელობისა და სოციალური დაცვის სამინისტროსა და სსიპ ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდს შესაძლებლობების გაუმჯობესებასა და გაძლიერებაში ქალთა მიმართ ძალადობასთან ბრძოლის მიმართულებით.

გაეროს მოსახლეობის ფონდი (UNFPA) და გაეროს ქალთა ორგანიზაცია (UN Women), ჯანდაცვის სამინისტროს ხელს შეუწყობენ ჯანდაცვის სისტემაში ქალის მიმართ ძალადობის შემთხვევების მართვის და მომსახურების გაწევის სტანდარტული საოპერაციო პროცედურების შექმნას, მათ პილოტირებასა და სისტემაში დანერგვას, სამედიცინო პერსონალისთვის სპეციალური სასწავლო მოდულების შექმნასა და დანერგვას, საკანონმდებლო ბაზის დახვეწას, სექსუალური ძალადობის მსხვერპლთათვის სპეციალიზებული მომსახურების შექმნასა და დახვეწას, ძალადობის მსხვერპლთათვის ოთხი ახალი დაწესებულების (კრიზისული ცენტრებისა და თავშესაფრების) გახნას, მსხვერპლებისთვის სარეაბილიტაციო პროგრამების შემუშავებას, მონიტორინგის მექანიზმის სრულყოფას. აღნიშნული ღონისძიებები მნიშვნელოვნად გააძლიერებს სახელმწიფოს პასუხს ქალთა მიმართ ძალადობაზე და ხელს შეუწყობს ძალადობის მსხვერპლთა რეაბილიტაციის პროცესის მაღალკვალიფიციურ დონეზე წარმართვას.

გაეროს ერთობლივი პროგრამა „გენდერული თანასწორობისთვის“ ხორციელდება შვედეთის მთავრობის ფინანსური ხელშეწყობით.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება