სოფლის მეურნეობის მინისტრის პირველი მოადგილე ნოდარ კერესელიძე თურქეთის საერთაშორისო ტექნიკურ-საკონსულტაციო ბიზნესსაბჭოს დელეგაციის წევრებს შეხვდა.

დელეგაციას  თურქეთის ეკონომიკის სამინიტროს თავისუფალი ზონის, უცხოური ინვესტიციებისა და მომსახურების დეპარტამენტის გენერალური დირექტორი უგურ ოზთურქი ხელმძღვანელობდა.

შეხვედრაზე მინისტრის პირველმა მოადგილემ საექსპორტო პოტენციალის მქონე პროდუქტებზე (თხილი, ღვინო, ცოცხალი პირუტყვი, ხორცი, წყალი), ბაზრების დივერსიფიკაციის მნიშვნელობასა და ამ მიმართულებით მიღწეულ შედეგებზე ისაუბრა.

საუბარი შეეხო მელიორაციის მიმართულებით საქართველოში განხორციელებულ პროექტებს.

უგურ ოზთურქმა ქართულ მხარეს  ინფორმაცია მიაწოდა თურქეთის საერთაშორისო ტექნიკურ-საკონსულტაციო ბიზნეს საბჭოში შემავალი უწყებების სამუშაო მიმართულებების შესახებ და აღნიშნა, რომ ირიგაციის თემა უაღრესად მნიშვნელოვანი საკითხია საბჭოში შემავალი უწყებებისთვის და სამომავლო თანამშრომლობის სურვილი გამოთქვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.