ირაკლი კობახიძე: ავღანეთში ქართული კონტიგენტის რაოდენობის შემცირება არ იგეგმება

2017-06-05 13:06:00, 1679 ნახვა

საზოგადოება

პარლამენტის თავმჯდომარის ირაკლი კობახიძის განცხადებით, ავღანეთში ქართული კონტიგენტის რაოდენობის შემცირება არ იგეგმება.

"გაკეთდა მკაფიო განცხადება ავღანეთში ჩვენს კინტიგენტთან დაკავშირებით.ძალიან მკაფიოდ ითქვა, რომ კონტიგენტის შემცირება არ იგეგმება.ეს არის ძალიან მკაფიო განცხადება",-აღნიშნა კობახიძემ.

შეგახსენებთ, საქართველოს თავდაცვის სამინისტრომ განცხადება გაავრცელა, სადაც აღნიშნულია, რომ ინფორმაცია, თითქოს დღის წესრიგში ავღანეთის ისლამურ რესპუბლიკაში ნატოს ეგიდით მიმდინარე „მტკიცე მხარდაჭერის“ სამშვიდობო მისიაში მონაწილე ქართული კონტინგენტის რაოდენობის შემცირება დგას, სიმართლეს არ შეესაბამება.

"საქართველო საერთაშორისო უსაფრთხოებაში კონტრიბუციას იმ ფორმითა და ძალების რაოდენობით განაგრძობს, როგორც ის ავღანეთში, ცენტრალური აფრიკის რესპუბლიკასა თუ მალიში ამ ეტაპზეა წარმოდგენილი. მიმდინარე პერიოდში დღის წესრიგში რაიმე სახის ცვლილება ამ კუთხით არ დგას - საქართველო ალიანსის წინაშე აღებული ვალდებულებების ერთგული რჩება, რაც ავღანეთში ქართული სამხედრო კონტინგენტის 2018 წლის გაზაფხულის ჩათვლით კონტრიბუციას ითვალისწინებს",-აცხადებენ თავდაცვის სამინისტროში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან