ნარმანია ფარცხალაძისთვის მიწების გადაცემაზე: ტყუილია, რომ თითქოს ინფორმაცია დავმალეთ

2017-05-22 13:32:10, 2216 ნახვა

კომენტარი

თბილისის მერის დავით ნარმანიას განცხადებით, ნებისმიერი დოკუმენტაცია, რომელიც მერიაში ინახება, შემმოწმებლისთვის ღიაა.

ამის შესახებ ნარმანიამ აუდიტის სამსახურისთვის ოთარ ფარცხალაძის მიწის შესახებ ინფორმაციის მიწოდებასთან დაკავშირებული კითხვის საპასუხოდ განუცხადა.

მისი თქმით, მერიას რა დოკუმენტაციას ჰქონდა სახელმწიფო აუდიტის სამსახურის თანამშრომლებს მიაწოდეს.

"ველოდები აუდიტის სამსახურის მიერ გაკეთებულ დასკვნას, რომელიც გვაჩვენებს, თუ რაზე აკეთებენ შემმოწმებლები აქცენტს. ჩვენ მივაწოდეთ ყველა ინფორმაცია, რაც სჭირდებოდათ. ტყუილია, თითქოს ინფორმაცია დავმალეთ, ნებისმიერი დოკუმენტაცია, რომელიც მერიაში ინახება არის შემმოწმებლებისთვის ღია და რა დოკუმენტაციაც გვქონდა, მივეცით სახელმწიფო აუდიტის სამსახურის თანამშრომლებს", - განაცხადა დავით ნარმანიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან