საქართველოს ეროვნულ არქივს დღეს პოლონეთის კულტურული მემკვიდრეობის სააგენტოს ხელმძღვანელი იაცეკ მილერი, პოლონეთის კულტურის სამინისტროს წარმომადგენლები და საქართველოში პოლონეთის საელჩოს კულტურის ატაშე ლეხ კონჩაკი სტუმრობდნენ.

დელეგაციის წევრებმა დაათვალიერეს საქართველოს ეროვნულ არქივში, კირიონ მეორის პირად ფონდში დაცული პოლონური დოკუმენტები, რომელთა შესახებ პოლონელ კოლეგებს ინფორმაცია ეროვნული არქივის სამეცნიერო განყოფილების უფროსმა ქეთევან ასათიანმა მიაწოდა.

იაცეკ მილერის ინფორმაციით, მიმდინარე წლის დასაწყისში კრაკოვის ეროვნული მუზეუმის თავად ჩარტორიისკების სახელობის ბიბლიოთეკამ კერძო კოლექციიდან შეიძინა მასალები, მათ შორის ქართული ხელნაწერები და ისტორიული საბუთები. პოლონური მხარე მასპინძლებს ამ დოკუმენტების ელექტრონული ასლების მოპოვებაში დახმარებას დაპირდა.

ვიზიტისას დელეგაციის წევრებმა ეროვნული არქივის საგამოფენო პავილიონი და რესტავრაციის ლაბორატორია დაათვალიერეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას