ოკუპირებული ცხინვალის რეგიონის დე-ფაქტო მთავრობამ ოკუპირებული დონეცკის სახალხო რესპუბლიკასთან თანამშრომლობის, მეგობრობისა და ურთიერთდახმარების "შეთანხმება" გააფორმა, - ამის შესახებ Osinform იუწყება.

მედია საშუალების ინფორმაციით, ე.წ. შეთანხმებას ხელი დე-ფაქტო პრეზიდენტმა ანატოლი ბიბილოვმა და ოკუპირებული დონეცკის ხელმძღვანელმა ალექსანდრე ზახარჩენკომ მოაწერეს.  

დე-ფაქტო შეთანხმებას ხელი ოკუპირებულ დონცეკში მოეწერა. 

მედიიც ცნობით, ე.წ. შეთანხმება 10 წლის ვადით დაიდო და 23 პუნქტისგან შედგება. "თანამშრომლობა" საშინაო პოლიტიკის, ეკონომიკის, ვაჭრობის, დანაშაულთან ბრძოლის, კულტურისა და განათლების სფეროებს მოიცავს. ე.წ. ვიზიტის ფარგლებში დე-ფაქტო ლიდერები  „დიპლომატიური ურთიერთობის“ დამყარების შესახებ პროტოკოლის ხელმოწერასაც გეგმავენ. 

როგორც Osinform წერს, ე.წ. შეთანხმება გაფორმდა რათა „ოკუპირებული დონეცკის სახალხო რესპუბლიკასა და ოკუპირებული ცხინვალის ურთიერთობა ახალ ეტაპზე გადავიდეს, ხალხების ნაციონალური ინტერესების გათვალისწინებით“. 

ცნობისთვის, ოკუპირებული ცხინვალის რეგიონის დე-ფაქტო მთავრობის დელეგაცია ოკუპირებულ რეგიონში დონეცკის ე.წ. სახალხო რესპუბლიკად გამოცხადების 3 წლისთავის აღნიშვნასთან დაკავშირებით იმყოფება. ე.წ. ვიზიტის ფარგლებში დე-ფაქტო ლიდერები გეგმავენ „დიპლომატიური ურთიერთობის“ დამყარების შესახებ პროტოკოლის ხელმოწერასაც. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს