იუსტიციის სამინისტროს სსიპ „დანაშაულის პრევენციის ცენტრის“ დირექტორი თათია ხოჭოლავა ახალი პროგრამის - „ახალგაზრდებთან მომუშავე ტრენერები“ - მონაწილეებს შეხვდა.

ცენტრის ინფორმაციით, პროგრამის მიზანია როგორც მონაწილეთა კომპეტენციების (ცოდნა/უნარ-ჩვევები) განვითარება ახალგაზრდებთან მუშაობის სფეციფიკის გათვალისწინებით, ისე  ქვეყანაში მათი კვალიფიკაციის ამაღლება და ახალგაზრდული აქტივობების ხარისხის/რაოდენობის ზრდა.

ახალგაზრდებთან მომუშავე 17 ტრენერი 200-ზე მეტი აპლიკანტისგან შეირჩა. დღევანდელ შეხვედრაზე ისინი დეტალურად გაეცნენ სსიპ „დანაშაულის პრევენციის ცენტრის“ საქმიანობას, ცენტრში მიმდინარე პროგრამების მიზნებსა და გეგმებს. პროგრამა ერთი წლის განმავლობაში გაგრძელდება, რის შემდეგაც მოხალისე ტრენერებს  გადაეცემათ ორენოვანი სერტიფიკატი. კონკურსის წესით შერჩეული მონაწილეები ახალგაზრდებისთვის განსაზღვრულ თემებზე ჩაატარებენ ლექცია/სემინარებს, ინტერაქტიულ ტრენინგებს, სიმულაცია/მოდელირებებს.

იუსტიციის სამინისტროს სსიპ „დანაშაულის პრევენციის ცენტრის“ ერთ-ერთი მიმართულებაა ახალგაზრდებში სამართლებრივი და სამოქალაქო ცნობიერების ამაღლება, მოხალისეობრივი კულტურის განვითარების ხელშეწყობა, არაფორმალური განათლების საშუალებით დანაშაულის პრევენცია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა