გუგული მაღრაძე: ამ კანონის მიხედვით მწეველთა უფლებებს არ ვიცავთ

2017-05-03 18:08:04, 1934 ნახვა

კომენტარი

ევროპული საქართველოს წევრმა სერგი კაპანაძემ თამბაქოს კონტროლის შესახებ კანონპროექტის ინიციატორს გუგული მაღრაძეს წინადადებით მიმართა, კანონიდან თამბაქოს მომხმარებელთა უფლებებისა და ინტერესების დაცვის კომპონენტი არ ამოიღონ. მაგალითისთვის, ეს გულისხმობს იმას, რომ თამბაქოს მომხმარებლებს აქვთ უფლება, თამბაქო სახლში მოწიონ. გუგული მაღრაძემ განმარტა, რომ აღნიშნული ცვლილებები მწეველთა უფლებების დაცვისკენ არაა მიმართული:

„ეს კანონი არ არის მიმართული მომხმარებელთა უფლებების დაცვისკენ, ამას იცავს სხვა კანონი. მიზანია, საქართველოში შეიქმნას მოწევისგან თავისუფალი სივრცეები, არ იყოს თამბაქოს პროპაგანდა და რეკლამა. იყოს გარკვეული კანონების დარღვევისთვის ჯარიმების გაზრდა. მწეველთა უფლებების დაცვას ჩვენ ამ კანონის მიხედვით არ ვახდენთ“,-აღნიშნა გუგული მაღრაძემ პარლამენტის პლენარულ სხდომაზე, სადაც თამბაქოს კონტროლის შესახებ კანონში ცვლილებებს განიხილავენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან