ევროკავშირის წევრი ქვეყნები ბრიუსელში მორიგ სამიტს გამართავენ, სადაც Brexit-ის სტრატეგიასა და დიდ ბრიტანეთთან ურთიერთობებზე იმსჯელებენ, - ამის შესახებ BBC იუწყება. 

მედია საშუალების ინფორმაციით, სამიტს 27 სახელმწიფოს წარმომადგენელი დაესწრება, თუმცა მასში მონაწილეობას დიდი ბრიტანეთი აღარ მიიღებს. 

ევროკავშირში ფიქრობენ, რომ ვიდრე სავაჭრო ურთიერთობებზე მსჯელობა დაიწყება, იქამდე დიდი ბრიტანეთის ევროკავშირიდან გასვლის მოლაპარაკებებში გარკვეულ პროგრესს უნდა მიაღწიონ. 

მედიის ცნობით, ოფიციალურ ლონდონსა და ევროკავშირს შორის მოლაპარაკებები ბრიტანეთის ვადამდელ საპარლამენტო არჩევნებამდე ანუ 8 ივნისამდე არ დაიწყება. 

როგორც ევროპის საბჭოს პრეზიდენტ დონალდ ტუსკის წერილშია აღნიშნული, შეთანხმებას „ხალხზე, ფულსა და ირლანდიაზე“ იქამდე უნდა მიაღწიონ, ვიდრე დიდ ბრიტანეთსა და ევროკავშირს შორის სამომავლო ურთიერთობების საკითხის განხილვა დაიწყება. 

დიდი ბრიტანეთის მთავრობის განცხადებით, მათ არ სურთ, რომ სამომავლო სავაჭრო ურთიერთობების საკითხზე მოლაპარაკებები გადაიდოს. 

„ვიდრე ჩვენს მომავალზე ვიმსჯელებთ, იქამდე წარსულში არსებული საკითხები უნდა გადავწყვიტოთ“, - განაცხადა დონალდ ტუსკმა და სამი პრიორიტეტული საკითხი გამოყო:

1) ევროკავშირის მოქალაქეებს, რომლებიც დიდ ბრიტანეთში ცხოვრობენ უნდა ჰქონდეთ გარანტია, რომ არ გახდებიან დისკრიმინაციის მსხვერპლნი და ისარგებლებენ თანაბარი უფლებებით. 2) დიდმა ბრიტანეთმა უნდა შეასრულოს ყველა თავისი ფინანსური ვალდებულება, როგორც ევროკავშირის წევრმა ქვეყანამ. 3) უნდა იყოს მიღწეული შეთანხმება, რათა „თავიდან ავიცილოთ ძლიერი საზღვარი ირლანდიის რესპუბლიკასა და ჩრდილოეთ ირლანდიას შორის“.

„ჩვენ ვერ განვიხილავთ ბრიტანეთთან სამომავლო ურთიერთობებს, თუ ვერ მივაღწევთ მნიშვნელოვან პროგრესს დიდი ბრიტანეთის ევროკავშირიდან გამოსვლის მთავარ საკითხებზე“, - აღნიშნა ტუსკმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა