ხარისხის ნიშნის „რეკომენდებულია ტურიზმის დეპარტამენტის მიერ“ მიღების მსურველთა რეგისტრაცია დაიწყო.

პროექტში ჩართვა განთავსებისა და კვების ობიექტების მეპატრონეებს 20 მაისამდე შეუძლიათ. მსურველები უნდა დარეგისტრირდნენ ვებ-გვერდზე Recommend.ge ან შევსებული აპლიკაციები დატოვონ აჭარის ტურიზმის დეპარტამენტში.

აჭარის ტურიზმის დეპარტამენტმა პროექტი „რეკომენდებულია ტურიზმის დეპარტამენტის მიერ“ გასულ წელს დაიწყო და დღეს აჭარაში 62 ხარისხის ნიშნის მქონე ობიექტია. პროექტი „რეკომენდებულია ტურიზმის დეპარტამენტის მიერ“ თავისი შინაარსით წარმოადგენს შეთავაზებას რეგიონში არსებული კვებისა და განთავსების ობიექტებისთვის, რათა მათ გააუმჯობესონ მომსახურების ხარისხი, დაიცვან და შეასრულონ გარკვეული კრიტერიუმები ძირითადი ევროპული სტანდარტების დასამკვიდრებლად.

20 მაისიდან ორი თვის განმავლობაში იგეგმება უკვე დარეგისტრირებული განთავსებისა და კვების ობიექტების ტექნიკური შემოწმება. პარალელურად კი ჩატარდება გასულ წელს რეკომენდებული ობიექტებისთვის ხარისხის ნიშნის განახლება.

„ტურისტულ სეზონზე რეგიონში ხარისხის ნიშნის „რეკომენდებულია ტურიზმის დეპარტამენტის მიერ“ მქონე ობიექტთა რაოდენობა გაიზრდება. მიმდინარე წელს, ჩვენ გარკვეული კრიტერიუმები არსებული გამოცდილებიდან გამომდინარე შევცვალეთ. მაგალითად, სახანძრო უსაფრთხოების ნაწილში ობიექტებმა უნდა წარმოადგინონ სახელმწიფო ორგანოს მიერ გაცემული საბუთი, რაც მათ შენობებში უსაფრთხო გარემოს არსებობაზე მეტყველებს. გასული წლის მსგავსად პროექტში ჩაერთვება სახანძრო-სამაშველო სამსახური, ჰიგიენასა და სანდასუფთავებაზე პასუხისმგებელი მუნიციპალური სამსახურები და სურსათის ეროვნული სააგენტო,» აღნიშნა აჭარის ტურიზმის დეპარტამენტის სერვისის განვითარების განყოფილების უფროსმა თამარ კაიკაციშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს