საქართველოს პრეზიდენტის გიორგი მარგველაშვილის განცხადებით, კონფლიქტის ზონაში მცხოვრები მოქალაქეებისთვის, ვიზალიბერალიზაციით სარგებლობა არავითარ სატყუარას არ შეიცავს.

როგორც პრეზიდენტმა დღეს ლატვიელ კოლეგასთან ერთობლივ პრესკონფერენციაზე განაცხადა, ოკუპირებულ ტერიტორიებთან კონფლიქტის დარეგულირება ევროპული ტრადიციების ფარგლებში უნდა მოხდეს.  

"მინდა ხაზი გავუსვა იმას, რომ კონფლიქტის ზონაში მცხოვრები ჩვენი მოქალაქეებისთვის ბუნებრივია, ამ სიკეთით სარგებლობა არავითარ სატყუარას არ შეიცავს. ჩვენ ქვეყანას ვაძლიერებთ, ვამტკიცებთ, ევროპული მიმართულებით ვავითარებთ. ამ სიკეთით ისარგებლებს ყველა, როგორც ძირითად ტერიტორიებზე მაცხოვრებლები, ასევე ოკუპაციის ხაზს მიღმა მცხოვრები ხალხი. მჯერა, რომ საქართველოს ევროპული ინტეგრაცია, ჩვენს შორის საკითხების გადაწყვეტის ევროპულ გზებს შემოგვთავაზებს და ეს არაერთხელ დაგვიფიქსირებია. იმ სირთულეების გადაწყვეტა, რომელიც არსებობს ჩვენსა და ოკუპირებულ ტერიტორიებზე მაცხოვრებელ, ჩვენ მოქალაქეებს შორის, უნდა მოხდეს პირველი - აუცილებლად მშვიდობიანად და მეორე, აუცილებლად იმ ფორმატში და იმ ტრადიციაში, როგორშიც ევროპული სახელმწიფოები წყვეტენ ამ პრობლემებს. აქედან გამომდინარე იქნება ეს ასოცირების ხელშეკრულება, იქნება ეს ვიზალიბერალიზაციის მიმართ გადადგმული ნაბიჯი, ყველა ეს ნაბიჯი უფრო გვაახლოვებს ევროპულ, პოლიტიკურ, კულტურას და ამ პოლიტიკური კულტურის ფარგლებში სირთულეების გადაწყვეტის ფორმატებს. მჯერა, რომ მალე დადგება ის დრო, როდესაც ჩვენ ყოველგვარი ემოციის და შესაძლოა ტკივილის გადაბირების მეშვეობით მივალთ ერთიანი, ძლიერი, ევროპული საქართველოს ხედვამდე და ამას აუცილებლად ერთად განვახორციელებთ", - აღნიშნა გიორგი მარგველაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა