ამერიკის შეერთებულმა შტატებმა საქართველოს შესახებ გაეროს ადამიანის უფლებათა საბჭოს რეზოლუციას მხარი დაუჭირა. 

როგორც საქართველოში აშშ-ის ელჩმა იან კელიმ აღნშნა, აშშ-ს სეპარატისტულ რეგიონში ადამიანის უფლებათა დაცვის კუთხით არსებული ვიტარება აწუხებს. 

"ჩვენ მხარი დავუჭირეთ ამ რეზოლუციას. ჩვენ გვაწუხებს სეპარატისტულ რეგიონებში ადამიანის უფლებათა დაცვის კუთხით არსებული ვითარება. 21-ე საუკუნეში აუცილებელია ბარიერების მოხსნა და მეტი კომუნიკაცია. აშშ-ი ყოველთვის მხარს დაუჭერს საქართველოს ტერიტორიული მთლიანობის მხარდამჭერ დოკუმენტებს",-განაცხადა იან კელიმ. 

შეგახსენებთ, რომ გაერო-ს ადამიანის უფლებათა საბჭომ 34-ე სესიის ფარგლებში საქართველოს მიერ ინიცირებული რეზოლუცია "თანამშრომლობა საქართველოსთან" მიიღო. დოკუმენტში კიდევ ერთხელ არის მხარდაჭერილი საქართველოს სუვერენიტეტი და ტერიტორიული მთლიანობა; აღიარებულია მთავრობის ძალისხმევა ქვეყანაში დემოკრატიის, კანონის უზენაესობის და ადამიანის უფლებათა განმტკიცების მიმართულებით; გამოთქმულია სერიოზული შეშფოთება ოკუპირებულ რეგიონებში შექმნილ ვითარებასთან დაკავშირებით; ხაზგასმულია, რომ აფხაზეთის და ცხინვალის რეგიონებში ადამიანის უფლებათა მონიტორინგის მექანიზმები ვერ შედიან.

გაეროს მიერ მიღებულ რეზოლუციას განცხადებით გამოეხმაურა საქართველოს საგარეო საქმეთა სამინისტრო.

„ეს არის პირველი რეზოლუცია, რომელიც ადამიანის უფლებებზე პასუხისმგებელმა გაერო-ს სპეციალურმა ორგანომ - ადამიანის უფლებათა საბჭომ მიიღო საქართველოს საკითხზე. რეზოლუციაში, ადამიანის უფლებათა საბჭო კიდევ ერთხელ ადასტურებს საქართველოს სუვერენიტეტისა და ტერიტორიული მთლიანობის პატივისცემას, მის საერთაშორისოდ აღიარებულ საზღვრებში“,-ნათქვამია საგარეო საქმეთა სამინისტროს განცხადებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა