მთავარი პროკურორის ირაკლი შოთაძის განცხადებით, ბევრი პრეტენზია მოუსმენია პოლიციელების მხრიდან ნარკოტიკების ე.წ. ჩადებასთან დაკავშირებით, თუმცა  ამის დამადასტურებელი მტკიცებულებები არ არსებობს.

როგორც მან ჟურნალისტებს განუცხადა, დაცვის ერთ-ერთი მეთოდი სწორედ მსგავს თემაზე საუბარია. შოთაძე ამბობს, რომ როცა მტკიცებულება არ არსებობს, არავინაა ვალდებული, თავისი უდანაშაულობა ამტკიცოს:

„ბევრმა ადამიანმა შეიძლება რაიმე თქვას. არსებობს კონკრეტულად დაცვის  მეთოდიკის სხვადასხვა ფორმა, მათ შორის ბევრი პრეტენზია მომისმენია „ჩადებასთან“ დაკავშირებით, თუმცა, როდესაც არ არსებობს შესაბამისი მტკიცებულებები,  იმაზე საუბარი, რომ პოლიციამ ჩაიდინა დანაშაული, არასწორია. ყველაფერს შესაბამისი მტკიცებულება სჭირდება. როგორც პიროვნების დაკავებას სჭირდება მტკიცებულება , რომელსაც ნარკოტიკული საშუალება აღმოაჩნდება, მისი დაკავებისთვის და ბრალის წარდგენისათვის არის საჭირო შესაბამისი მტკიცებულებათა ერთობლიობა,  ასევე პოლიციელების მიმართ თუ არსებობს პრეტენზიები, მათ მიმართ რომ განხორციელდეს სამართლებრივი ზომები, უნდა არსებობდეს შესაბამისი მტკიცებულებები. ეს არის უდანაშაულობის პრეზუმფციის პრინციპი და არავინ არ არის ვალდებული, ამტკიცოს თავისი უდანაშაულობა“,-განაცხადა ირაკლი შოთაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს