კონსტიტუციონალისტ ვახუშტი მენაბდის განცხადებით, პრეზიდენტის მიერ წამოწყებული კამპანია ძალიან მნიშვნელოვანია და ის ამ ინიციატივას მიესალმება.

როგორც მენაბდემ ჟურნალისტებს განუცხადა, კამპანიის წამოწყება პოზიტიურ შედეგებს გამოიწვევს.

მისივე შეფასებით, საკონსტიტუციო კომისიას პრეზიდენტის ადმინისტრაციის წარმომადგენლების პოზიციები აკლია.

"დღეს ძალიან მნიშვნელოვანი პროცესის მომსწრენი ვართ. ეს არის კონსტიტუციის ცვლილების პროექტის მომზადება. ეს ყველაფერი მხოლოდ პოზიტიურ შედეგებს გამოიწვევს, ამიტომ ის ინიციატივები, რომელიც გაჟღერდა მისაღებია. აგრეთვე ვისურვებდი, რომ პრეზიდენტის წარმომადგენლებიც ჩაერთონ საკონსტიტუციო კომისიის მუშაობაში. თქვენ იცით, რომ 3 წევრი პრეზიდენტის ადმინისტრაციიდან არის საკონსტიტუციო კომისიის ნაწილი და ჩვენ კომისიის წევრები მოვისაკლისებთ მათ არ ყოფნას და ძალიან გამოგვადგებოდა მათი პოზიციები. პარლამენტმა შექმნა საკონსტიტუციო კომისია და ნებისმიერი ინსტიტუტის ჩართულობა არის მისასალმებელი", - აღნიშნა ვახუშტი მენაბდემ.

ცნობისთვის, პრეზიდენტის ინიციატივით დღეს კამპანია "კონსტიტუცია ყველასია" დაიწყო. კამპანიის მიზანია კონსტიტუციის შექმნის პროცესში ხალხის ჩართულობა და მოქალაქეთა მონაწილეობის წახალისება მთელ საქართველოში, ასევე კონსტიტუციური ღირებულების შესახებ საზოგადოებაში ცნობიერების ამაღლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს