სრულ უფლებამოსილებას ვანიჭებთ პოლიტიკურ ძალებს, მიიღონ მონაწილეობა ჩვენს აქციებში, - ამის შესახებ "რუსთავი 2"-ის გენერალურმა დირექტორმა ნიკა გვარამიამ განაცხადა.

გვარამიამ საპროტესტო აქცია დაანონსა, რომელიც რუსთაველის გამზირზე 12 მარტს, 14:00 საათზე გაიმართება. ის აქვე, ყველა პოლიტიკურ ძალას, არასამთავრობო ორგანიზაციებს და საქართველოს მოქალაქეებს რუსთაველის გამზირზე, პარლამენტის შენობასთან შეკრებისკენ მოუწოდა. 

„აქ იქნებიან „რუსთავი 2“-ის სახეები, იქნება საპროტესტო აქცია-კონცერტი „რუსთავი 2“-ის მეგობრების მონაწილეობით და აქ იქნებიან პოლიტიკური ძალებიც. ჩვენ ვხედავთ, რომ აქ იქნებიან პოლიტიკური ძალები. ჩვენ ვხედავთ, რომ პოლიტიკურად სტერილურად ეს პროცესები ვერ განვითარდება, ამიტომ სრულ უფლებამოსილებას ვანიჭებთ პოლიტიკურ ძალებს, მიიღონ მონაწილეობა ჩვენს აქციებში, მიმართონ საკუთარ ამომრჩეველს და მოითხოვონ ის პოლიტიკური ცვლილებები, რომლებიც უზრუნველყოფს ქვეყანაში თავისუფალი მედიის მდგრადობას, სასამართლო ხელისუფლების დამოუკიდებლობას, დემოკრატიის მდგრადობას და არ გადახვევას ევროატლანტიკური ინტეგრაციის გზიდან“, - განაცხადა ნიკა გვარამიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას