მსახიობ გურამ ჯაშზე მომხდარ თავდასხმასთან დაკავშირებით გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მსუბუქ დაზიანებას გულისხმობს.

როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, მიმდინარეობს საგამოძიებო მოქმედებები. დანიშნულია ექსპერტიზა.

რაც შეეხება ყაჩაღობასთან დაკავშირებით გავრცელებულ ინფორმაციას, უწყებაში აცხადებენ, რომ ამ დროისთვის ეს ვერსია არ განიხილება.

მსახიობი ინგოროყვას კლინიკაში იმყოფება. იგი მკურნალობას რეანიმაციულ განყოფილებაში აგრძელებს. გურამ ჯაშს სავარაუდოდ დაზიანება ბლაგვის საგნით, თავის არეში ჰქონდა მიყენებული. მას ქირურგიული ოპერაციის ჩატარება დასჭირდა.

ოჯახის წევრების განცხადებით, მსახიობი ღამით სახლში ბრუნდებოდა, რა დროსაც მას მშრალი ხიდის მიმდებარე ტერიტორიაზე თავს დაესხნენ. მათივე თქმით, წაღებულია მობილური ტელეფონი და საფულე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირმა ყირგიზეთის წინააღმდეგ სანქციები პირველად დააწესა რუსეთის დახმარების გამო

რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს