ნატოს-საქართველოს კომისიის სხდომის დასრულების შემდეგ საქართველოს თავდაცვის მინისტრი ლევან იზორია გაერთიანებული სამეფოს თავდაცვის მდივანს მაიკლ ფელონს შეხვდა.

ნატოს თავდაცვის მინისტერიალის ფარგლებში გამართული შეხვედრის დროს, ორი ქვეყნის თავდაცვის უწყების ხელმძღვანელმა საქართველოსა და გაერთიანებულ სამეფოს შორის თავდაცვისა და უსაფრთხოების სფეროში არსებული თანამშრომლობის საკითხები განიხილეს.

მხარეებმა ყურადღება გაამახვილეს ასევე, „უორდროპის ქართულ-ბრიტანული სტრატეგიული დიალოგის“ მნიშვნელობაზე. ლევან იზორიას განცხადებით, საქართველო აფასებს აღნიშნული დიალოგის შექმნას, რომელიც მიზნად ისახავს გაერთიანებულ სამეფოსა და საქართველოს შორის ორმხრივი ურთიერთობების გაძლიერებას და უსაფრთხოების სფეროში თანამშრომლობის კიდევ უფრო განვითარებას.

ორმხრივი პოლიტიკური დიალოგის ფორმატი საქართველოსა და დიდი ბრიტანეთის გაერთიანებულ სამეფოს შორის 2014 წელს დაფუძნდა. იგი ქართულ-ბრიტანული თანამშრომლობის საკითხთა ფართო სპექტრის განხილვას ემსახურება და განიხილება პოლიტიკური, უსაფრთხოების, თავდაცვის, ეკონომიკის, კულტურისა და განათლების სფეროში თანამშრომლობის საკითხები. 

საქართველოს თავდაცვის მინისტრის ოფიციალური ვიზიტი ბრიუსელში ლატვიის თავდაცვის მინისტრთან შეხვედრით დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საქართველოს ბანკის“ ტერმინალი სალარო აპარატის ფუნქციით - 0% საკომისიო საბარათე გადახდებზე მიკრო და მცირე ბიზნესისთვის

ევროკომისიის სპიკერი: უნდა გაათავისუფლონ ვახო სანაია, ყველა სხვა დაკავებული პირიც

რუმინეთის პრეზიდენტი ქვეყნის საჰაერო სივრცეში რუსული დრონის ჩამოგდებას იუწყება

კიდევ ერთი გამარტივებული პროცესი თიბისისგან თვითდასაქმებულებისთვის