სახელმწიფო დაცვის სპეციალური სამსახურის უფროსი ანზორ ჩუბინიძე საპატრიარქოს ქონების მართვის სამსახურის ხელმძღვანელის და საპატრიარქოს წმინდა იოაკიმესა და ანას სახელობის სამედიცინო ცენტრის დირექტორის დაკავების ფაქტს ადასტურებს. ამის შესახებ ჩუბინიძემ კომენტარი ბერლინში გააკეთა, სადაც პატრიარქის უსაფრთხოებას იცავს.ჩუბინიძე სხვა დეტალებზე ამ ეტაპზე არ საუბრობს.

ტელეკომპანია „რუსთავი2“-ის ინფორმაციით, დაკავებულ სასულიერო პირს მამა გიორგი მამალაძეს სასამართლომ აღკვეთის ღონისძიების სახით, პატიმრობა შუფარდა.

ჯერჯერობით  უცნობია, რა ბრალდებით დააკავეს საპატრიარქოს ქონების მართვის სამსახურის ხელმძღვანელი და საპატრიარქოს წმინდა იოაკიმესა და ანას სახელობის სამედიცინო ცენტრის დირექტორი. თუმცა, სავარაუდო ვერსიად პატრიარქის შესაძლო მოწამვლის მცდელობა სახელდება.

არსებული ინფორმაციით, მისი დაკავების სპეცოპერაცია აეროპორტში პარასკევს, გამთენიისას ჩატარდა. ტელეკომპანიის ცნობით, ის ბერლინში მიეგმზავრებოდა, პატრიარქთან. საგამოძიებო უწყებებში მის დაკავებასთან დაკავშირებით კომენტარი ჯერ არ გაკეთებულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა