აჭარის საზოგადოებრივი ჯანდაცვის ცენტრში სამუშაო შეხვედრა გაიმართა.

ქალაქ ბათუმში „იმუნიზაციის“ სახელმწიფო პროგრამის განმახორციელებელი სამედიცინო დაწესებულებების წარმომადგენელებს აჭარის ჯანმრთელობისა და სოციალორი დაცვის მინისტრი ზაალ მიქელაძე შეხვდა.

სამინისტროს ცნობით, შეხვედრაზე 2016 წლის განმავლობაში ქალაქ ბათუმში ვაქცინოპროფილაქტიკის შედეგები, არსებული ხარვეზები და სარეკომენდაციო ღონისძიებები განიხილეს.

„2016 წელს ქალაქ ბათუმში ვაქცინოპროფილაქტიკას დაექვემდებარა 1 წლამდე ასაკის 3500 ბავშვი, ბათუმის სამედიცინო დაწესებულებებში დაიბადა 5543 ახალშობილი, რომელთა 95-98% ვაქცინირებულია B ჰეპატიტისა და ტუბერკულოზის საწინააღმდეგოდ. სხვადასხვა ანტიგენის მიმართ იმუნიზაციით მოცვის მაჩვენებლები მეტია ან ტოლია 90%-ის, გარდა ტეტანუსი-დიფთერიისა, რომლის სამიზნე კონტინგენტი 14 წლის ასაკობრივი ჯგუფია. შეხვედრაზე ყურადღება გამახვილებულ იქნა ვაქცინაციის დროულ დაგეგმარებაზე, ვადების დაცვაზე, იმუნიზაციის ელექტრონული მოდულის წარმოებაზე, ,,ცვივი ჯაჭვის“ უსაფრთხოების დაცვაზე“,- აცხადებენ აჭარის ჯანდაცვის სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს