2017-02-02 22:53:09, 1506 ნახვა
პოლიტიკა
ევროპარლამენტის ვიცე-პრეზიდენტი: ვიმედოვნებ, საქართველო გახდება ევროკავშირის წევრი
ვიმედოვნებ, საქართველო გახდება ევროკავშირის წევრი, ამის შესახებ ევროპარლამენტის ვიცე-პრეზიდენტმა რიჩარდ ჩარნეცკმა განაცხადა.
მისი თქმით, საქართველო ევროპის კულტურის და ისტორიის განუყოფელი ნაწილია.
"საქართველომ ხელი მოაწერა ევროკავშირთან ასოცირების ხელშეკრულებას. ვიმედოვნებ, საქართველო გახდება ევროკავშირის წევრი, ვინაიდან საქართველო არის განუყოფელი ნაწილი ევროპის კულტურის, ევროპის ისტორიის. საქართველო არის ნაწილი ყველა ქრისტიანული სახელმწიფოებისა მთელს მსოფლიოში. საქართველო არის ევროპის ნაწილი და ევროპის ცივილიზაციის შემადგენელი ელემენტი. დღევანდელი დღე არის ისტორიული”, - განაცხადა რიჩარდ ჩარნეცკიმ.
ცნობისთვის, ევროპარლამენტმა საქართველოს მოქალაქეებისათვის უვიზო მიმოსვლის რეჟიმის შემოღებას მხარი დაუჭირა. საქართველოს მოქალაქეებისთვის უვიზო მიმოსვლის რეჟიმის შემოღებას მხარი - 553 დეპუტატმა დაუჭირა, წინააღმდეგი - 66 დეპუტატი იყო, ხოლო 28 წევრმა თავი შეიკავა კენჭისყრაში მონაწილეობისგან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
