ამერიკის შეერთებული შტატების პრეზიდენტ დონალდ ტრამპს მექსიკიდან იმპორტირებულ პროდუქციაზე გადასახადების გაზრდა და მიღებული ფულით სასაზღვრო კედლის მშენებლობა სურს, - ამის შესახებ BBC თეთრ სახლში გაკეთებულ განცხადებაზე დაყრდნობით იუწყება.

პრეზიდენტის ადმინისტრაციის პრესსპიკერის შონ სპაისერის განცხადებით, მექსიკურ პროდუქციაზე 20%-იანი საიმპორტო გადასახადის დაწესება წლის განმავლობაში 10 მილიარდი დოლარის აკუმულირების საშუალებას იძლევა. 

სპაისერმა ასევე აღნიშნა, რომ გეგმა ჯერ კიდევ დამუშავების პროცესშია.

მედია საშუალების ინფორმაციით, მექსიკა-ამერიკის საზღვარს ყოველდღიურად 1,6 მილიარდის საფასურის პროდუქცია გადის. 

ცნობისთვის, აშშ-ის პრეზიდენტის ადმინისტრაციამ აღნიშნული განცხადება მას შეემდეგ გააკეთა, რაც მექსიკის პრეზიდენტმა ენრიკე პენია ნიეტომ აშშ-ში ოფიციალურ ვიზიტზე უარი განაცხადა.

შეგახსენებთ, რომ გუშინწინ დონლდ ტრამპმა მექსიკის საზღვარზე კედლის აშენების თაობაზე განკარგულებას ხელი მოაწერა. ამას, მექსიკის პრეზიდენტის პასუხი მოჰყვა. როგორც პენია ნიეტომ აღნიშნა, მისი ქვეყანა კედლის საფასურის გადახდას არ აპირებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში კიდევ ერთი ქართველი მებრძოლი ბაჩო ბებია დაიღუპა

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე