აშშ-ს ელჩი საქართველოში იან კელი, საელჩოს სხვა წარმომადგენლებთან ერთად, ზუგდიდის რაიონის სოფელ ორსანტიასა და ხურჩაში არსებულ საოკუპაციო ხაზთან იმყოფებოდა.

სახელმწიფო უსაფრთოხების სამსახურის საინფორმაციო-ანალიტიკური დეპარატმენტის წარმომადგენლებმა დელეგაციის წევრებს გააცნეს ყველა ის გამოწვევა და საფრთხე,რომელიც ოკუპირებული აფხაზეთიდან მომდინარეობს.

 სუს-ის წარმომადგენლებმა ელჩს საოკუპაციო ზოლზე ე.წ. გამშვები პუნქტების შესაძლო დახურვის და ადმინისტრაციული ხაზის ორივე მხარეს მცხოვრები ადგილობრივი მოსახლეობის ფუნდამენტური უფლებების დარღვევის შესახებ არსებული ინფორმაცია მიაწოდეს.

საუბარი  ასევე შეეხო 2016 წლის მაისში მომხდარ გიგა ოთხოზორიას მკვლელობის ფაქტს.

იან კელიმ შეშფოთება გამოხატა ე.წ სასაზღვრო გამშვები პუნქტების შესაძლო დახურვის ფაქტის გამო.

„ ჩვენ არ ვაღიარებთ აფხაზეთის დამოუკიდებლობას და შესაბამისად,არ ვაღიარებთ არანაირ ხაზს,ადმინისტრაციულ საზღვარს და შესაბამისად,არანაირ სასაზღვრო გამშვებ პუნქტებს. ამერიკის შეერთებული შტატების მთავრობის დამოკიდებულება არის ის,რომ საქართველო არსებობს საერთაშორისოდ აღიარებული საზღვრების ფარგლებში.

 პირველ რიგში მინდა ხაზი გავუსვა იმას,რომ თუ დაიხურება სასაზღვრო-გამშვები პუნქტები,ეს შეზღუდავს მოქალაქეების,ადგილობრივი მოსახლეობის გადაადგილების უფლებას და ეს ადამიანები მიეკუთვნებიან ყველაზე უფრო დაუცველ ფენას . ესენი არიან: სკოლის მოსწავლეები,ის ახალგაზრდები,რომლებიც ცდილობენ განათლება მიიღონ და რომელთაც მოუწევთ 50 კმ  გაიარონ ფეხით იმ შემთხვევაში,თუ ეს დაიხურება.ესენი არიან მოხუცები, რომელთაც სჭირდებათ დახმარება,სამედიცინო დახმარება მათ შორის.ესენი არიან  სხვადასხვა ოჯახები, რომელთაც უნდათ,რომ ნათსავებთან ერთად გაატარონ  საზეიმო და სამგლოვიარო დღეები და ჩვენ ამის გამო ძალიან ღრმად ვართ შეწუხებული.

 რაც შეეხება მექანიზმს,თუ როგორ შეიძლება ეს გადაწყვეტილება იყოს შეცვლილი,ჩვენ ამ საკითხებს წინ წამოვწევთ ეუთოს ფარგლებში რასაკვირველია და ჟენევის მოლაპარაკებების ფარგლებში“- განაცხადა იან კელიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა