2016 წელს ჩინეთში 17,86 მილიონი ბავშვი დაიბადა, - ამის შესახებ BBC ჯანმრთელობისა და ოჯახის დაგეგმვის სახელმწიფო კომიტეტის წარმომადგენელზე, იან ვენიჩჟუანზე დაყრდნობით იუწყება. 

მედია საშუალების ინფორმაციით, ეს 2000 წლის შემდეგ შობადობის ყველაზე მაღალი მაჩვენებელია.

მედიის ცნობით, აღნიშნული რეკორდი უფრო გასაოცარია, იქიდან გამომდინარე, რომ რეპროდუქციული უნარის მქონე ქალთა რაოდენობა 5 მილიონი ადამიანით შემცირდა.

შედარებისთვის, საშუალო შობადობა 2011-2015 წლებში 1.4 მლნ-ით ნაკლები იყო.

ჩინეთის ხელისუფლება მიიჩნევს, რომ "ერთი ოჯახი - ერთი შვილის" პოლიტიკის გაუქმება "ძალიან დროული და ეფექტური"იყო. ჩინეთმა დემოგრაფიული პოლიტიკის შეცვლა 2015 წლის ოქტომბრის ბოლოს გადაწყვიტა.

როგორც BBC-ი წერს, მმართველმა კომუნისტურმა პარტიამ ოჯახებს 2 შვილის ყოლის უფლება მისცა.

ცნობისთვის, პოლიტიკა "ერთი ოჯახი - ერთი შვილი" 1979 წელს მოსახლეობის რაოდენობის შეზღუდვის მიზნით დაინერგა. მათ, ვისაც სურს, რომ ორი შვილი ჰყავდეს, ჯარიმები და სხვა სანქციები უნდა გადაიხადოს.

შედეგად, დასაქმებულთა რაოდენობა შემცირდა. ამჟამად შიშობენ, რომ დასაქმებული ჩინელები ხანდაზმული მოსახლეობის შენახვას ვეღარ შეძლებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ