ჩემთვის მიხეილ სააკაშვილი მაშინ დამთავრდა, როდესაც ზუგდიდის საუბარი მოვისმინე, - ამის შესახებ „ნაციონალური მოძრაობის“ ყოფილმა ლიდერმა გიგი უგულავამ განაცხადა.

როგორც უგულავამ აღნიშნა, მარაზმში თანამონაწილეობა არ შეიძლება.

"მარაზმში რა თქმა უნდა ყველა ინდივიდუალურად უნდა იღებდეს გადაწყვეტილება. ჩემთვის წითელი ხაზი იყო, როდესაც ზუგდიდის საუბარი მოვისმინე. ერთი შანსიც, რომ არსებულიყო და თუ 1%-ით მაინც გჯერათ, რომ ამ ადამიანს ასეთი ფორმით, ასეთი მეტყველებით, შეუძლია ბიძინა ივანიშვილის დამარცხება, მე იმ 99% კითხვებს გვერდით გადავდებდი და ამ 1%-ს ჩამოვეკიდებოდი. სამწუხაროდ მანვე არ დატოვა ერთიანობის შანსის 1%-იც კი. დიახ, პასუხისმგებელი ამ პარტიის დანგრევაზე არის ერთადერთი ადამიანი - ის ვინც ეს პარტია შექმნა. მაგრამ ამით აღნიშნულ თემაზე საუბარი უნდა დავამთავროთ", - განაცხადა უგულავამ.

მისივე თქმით, წარსულზე საუბარი ყველამ უნდა დაამთავროს და დასძინა, რომ ეს წარსულების პრეროგატივაა.

მანვე, საქართველოს ყოფილ პრეზიდენტ, მიხეილ სააკაშვილს შესაძლებლობებისთვის მადლობა გადაუხადა.

"მადლობას ვეუბნები იმ შანსისთვის, რომელიც თავის დროზე მიხეილ სააკაშვილმა , მე გიგი უგულავას მომცა და ყოველთვის მადლობას ვეტყვი. არასდროს არ ვყოფილვარ უმადური ადამიანი. მაგრამ პოლიტიკა არის მსახურება არა ერთმანეთის, ან ლიდერების, არამედ ხალხის მსახურება", - აღნიშნა გიგი უგულავამ.

შეგახსენებთ, რომ  ზუგდიდში პირდაპირი ჩართვის დროს მიხეილ სააკაშვილმა პარტიის ლიდერების ნაწილს მოღალატეები უწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა

საქართველოში ბავშვების საყოველთაო ნათლობა გაიმართა

სამველ კარაპეტიანი: უკან აღარ დავბრუნდები, სომხეთში 10 წელი ვიმუშავებ