ეკონომიკისა და მდგრადი განვითარების სამინისტროს „მთის კურორტების განვითარების კომპანიამ“ გუდაურში ახალი, 2400 მეტრიანი საბაგირო გახსნა. ღონისძიებას საქართველოს პრემიერ მინისტრი გიორგი კვირიკაშვილი, ეკონომიკისა და მდგრადი განვითარების მინისტრი გიორგი გახარია,  შინაგან საქმეთა მინისტრი გიორგი მღებრიშვილი, რეგიონული განვითარებისა და ინფრასტრუქტურის მინისტრი ზურაბ ალავიძე და განათლებისა და მეცნიერების მინისტრი ალექსანდრე ჯეჯელავა დაესწრნენ.

საბაგიროს მშენებლობა“Black sea Group”-მა განახორციელა, კურორტზე  კი დამონტაჟდა მსოფლიოში ერთ-ერთი წამყვანი მწარმოებლის,„Doppelmayr”-ის საბაგირო.   ახალი საბაგიროს ღირებულება  20 მილიონი ლარია. ეს არის 2400 მეტრიანი, 6 კაციანი, ღია სავარძლის ტიპის საბაგირო და ორისაჩოჩიალო, როგორც ამას გეგმის პირველი ეტაპი ითვალისწინებდა.

საბაგიროს  გახსნის ღონისძიებების ფარგლებში „მთის კურორტების განვითარების კომპანიამ“ სპეციალური ჯილდოები გადასაცა 17 პიროვნებას, რომლებმაც გასული საუკუნის   80-იან წლებში უდიდესი წვლილი შეიტანეს გუდაურის კურორტის შექმნაში.

როგორც ღონისძიებაზე ითქვა, 2016 წელს გუდაურის სამთო-სათხილამურო ინდუსტრიის განვითარებისა და საერთო პოტენციალის ზუსტი დადგენისთვის კანადურმა კომპანია „ეკოსაინმა“ შეიმუშავაგუდაურის სარეკრეაციო ტერიტორიის მიწათსარგებლობის გენერალური გეგმა.

ეს არის ფუნდამენტური დოკუმენტი კურორტის სწორი დაგეგმარებისა და განვითარების კუთხით. დოკუმენტი მოიცავს განვითარების ისეთ უმნიშვნელოვანეს კომპონენტებს,როგორებიცაა საბაგიროების, სათხილამურო ტრასების,  ხელოვნური გათოვლიანების სისტემის, ავტოსადგომების, გასართობი, კვების ობიექტების,სანიაღვრე სისტემების დაგეგმარება და მოწყობა, ასევე, მოთხილამურეთა ნაკადების საჭირო აღჭურვილობის ეფექტიანი რაოდენობის განსაზღვრა და სხვა მნიშვნელოვან საკითხები.

კურორტის განვითარებისთვის საქართველოს მთავრობის მიერ დაგეგმილ და მიმდინარე პროექტებს შორის აღსანიშნავია 2016 წელს დაწყებული დიდიინფრასტრუქტურული  პროექტი, რომელიც საქართველოს რეგიონული განვითარებისა და ინფრასტრუქტურის განვითარების სამინისტროს ჩართულობით გუდაურსა და მის მიმდებარე სოფლებში სასმელი წყლის ინფრასტრუქტურის სრულ რეაბილიტაციას გულისხმობს. ამ მიმართულებით  აქტიური მუშაობა მიმდინარეობს და სამუშაოების დასრულების შემდეგ, კურორტის ისტორიაში პირველად,სასმელი წყლისსაკმარისი დებეტი შეიქმნება.

ასევე მნიშვნელოვანია, რომ ეკონომიკისა და მდგრადი განვითარების სამინისტროს შპს „მთის კურორტების განვითარების კომპანიის,“ სამთო გამყოლთა ასოციაციაციისა და საქართველოს განათლებისა და მეცნიერების სამინისტროს ერთობლივი ძალისხმევით საქართველოში პირველად დაარსდა სათავგადასავლო ტურიზმის სკოლა, რომელიც  საერთაშორისო დონის მთაში გამყოლ გიდებს მოამზადებს. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა