ალეპოდან აჯანყებულებისა და მშვიდობიანი მცხოვრებლების ევაკუაცია გრძელდება, - ამის შესახებ BBC   "წითელი ჯვრის საერთაშორისო კომიტეტზე" დაყრდნობით იუწყება. 

მედია საშუალების ინფორმაციით, გასული ღამის განმავლობაში ცეცხლის შეწყვეტის რეჟიმი არ დარღვეულა. გაერო-ს შეფასებით, ქალაქის აღმოსავლეთ ნაწილიდან გაყვანას დაახლოებით 50 ათასი ადამიანი ელოდება.

რუსეთის თავდაცვის სამინისტროს მონაცემებით, ევაკუაციის პირველი დღის განმავლობაში, ალეპოდან ცხრა ავტოკოლონით 6462 ადამიანი გაიყვანეს, მათ შორის 3000 მებრძოლი და 40-მდე დაჭრილი.

ცნობისთვის, ვიდეომიმართვაში სირიის პრეზიდენტმა ბაშარ ასადმა ალეპოდან ამბოხებულების განდევნას ისტორიული მოვლენა უწოდა.

ალეპოს აღმოსავლეთ ნაწილს ამბოხებულები 4 წლის განმავლობაში აკონტროლებდნენ. ბოლო ორი წლის განმავლობაში ეს რაიონები სამთავრობო ძალებს ალყაში ჰქონდათ მოქცეული. ბოლო რამდენიმე კვირაა ბაშარ ასადის ჯარი რუსული ავიაციის მხარდაჭერით ალეპოს აღმოსავლეთ ნაწილზე ინტენსიურ შეტევას ახორციელებდა, რომლის დროსაც, უფლებადამცველების ინფორმაციით, ასობით მშვიდობიანი მცხოვრები დაიღუპა, მათ შორის, ათობით ბავშვი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა