კობა გვენეტაძე: მნიშვნელოვანია, მომავალ წელს მაღალი ლიკვიდობის მქონე ფასიანი ქაღალდების გამოშვება დაიწყოს

2016-12-14 17:42:58, 2203 ნახვა

ეკონომიკა

ეროვნული ბანკის პრეზიდენტის კობა გვენეტაძის შეფასებით, მნიშვნელოვანია, მომავალ წელს მაღალი ლიკვიდობის მქონე ფასიანი ქაღალდების გამოშვება დაიწყოს.

„ რომელთა ემისია წინასწარ იქნება გამოცხადებული, რაც გაზრდის მათ პროგნოზირებადობას და შესაბამისად, ინვესტორების დაინტერესებას საქართველოს ფასიანი ქაღალდების ბაზრის მიმართ“,-განაცხადა კობა გვენეტაძემ.

ეროვნული ბანკის პრეზიდენტმა საქართველოს 2017 წლის სახელმწიფო ბიუჯეტის საქართველოს კანონის პროექტის თაობაზე, ეროვნული ბანკის მოსაზრება წარმოადგინა.

წარმოდგენილი კანონპროექტის მიხედვით, სახელმწიფო ბიუჯეტის შემოსავლები 9.5 მილიარდი ლარით განისაზღვრება. აქედან 8.8 მილიარდი ლარი საგადასახდო შემოსავლებზე მოდის.

მომატებულია საგადასახადო შემოსავლები, ხოლო მცირდება მოგების გადასახადიდან შემოსულობები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან