ამერიკის შეერთებული შტატების პრეზიდენტმა დონალდ ტრამპმა აშშ-ის სახელმწიფო მდივნის თანამდებობაზე უმსხვილესი ნავთობკომპანია ExxonMobil-ის ხელმძღვანელი რექს ტილერსონი წარადგინა, - ამის შესახებ დონალდ ტრამპის შტაბის განცხადებაშია აღნიშნული.

როგორც განცხადებაში წერია, ტილერსონმა, დონალდ ტრამპის ჩანაფიქრით, რეგიონში სტაბილურობა უნდა გაამყაროს და ყურადღება აშშ-ის ეროვნული უსაფრთხოების ინტერესებზე გაამახვილოს.

"მისი შეუპოვრობა, ფართო გამოცდილება და გეოპოლიტიკის სიღრმისეული გაგება მას აძლევს პრივილეგიას სახელმწიფო მდივნის თანამდებობაზე იყოს დანიშნული“, - ნათქვამია ტრამპის გუნდის განცხადებაში.

ცნობისთვის, აშშ-ის სახელმწიფო მდივნის თანამდედობაზე წარდგენილ რექს ტილერსონს „პუტინის მეგობრად“ მოიხსენიებენ. 2013 წელს ტილერსონი რუსეთის პრეზიდენტმა, ვლადიმერ პუტინმა მეგობრობის ორდენით დააჯილდოვა.

შეგახსენებთ, კანდიდატურა, რომელიც დონალდ ტრამპა წარადგინა, აშშ-ის სენატმა უნდა დაამტკიცოს. ანალიტიკოსების ვარაუდით, ტილერსონის რუსეთთან მეგობრული და ახლო ურთიერთობის გამო, შესაძლოა, სენატორების ნაწილმა მის კანდიდატურას მხარი არ დაუჭიროს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა