უკრაინაში საქართველოს ყოფილი პრეზიდენტის, ოდესის ოლქის ყოფილი გუბერნატორის საპროტესტო აქცია ლოზუნგით: "ამ რადას ბოლო ზამთარი" მიმდინარეობს. კიევში აქციაზე ასობით ადამიანი არის შეკრებილი და მათ უკრაინის სახელმწიფო დროშები უკავიათ.

აქციის ლიდერი მიხეილ სააკაშვილი მოსახლეობას სიტყვით მიმართავს.

"მათი ცუდი ამბები მაშინ დაიწყო როდესაც მე პოლიტიკაში მოვედი, როდესაც შევქმენით ახალი მოძრაობა. მათი დრო მორჩა. დროა ხალხმა მართოს ეს ქვეყანა. მკაფიოდ გვაქვს გადაწყვეტილი პირველი ნაბიჯები იმისთვის, რომ ეს ხელისუფლება გადადგეს. ბოლო უნდა მოეღოს ქურდობას, კორუფციას. ეს ხელისუფლება საფრთხეს უქმნის ჩვენი შვილების მომავალს. აუცილებლად უნდა შემცირდეს გადასახადები, როგორც ეს გავაკეთე საქართველოში. ჩვენ ვითხოვთ, რადას ვადამდელი არჩევნების ჩატარებას. დღეს ჩვენ ვიბრძვით, ვართ ბევრნი, ხვალ კიდევ უფრო მეტნი ვიქნებით, რამდნეიმე თვეში კი მილიონი ადამიანი გვეყოლება. მორჩა ოლიგარქების პარპაში, მოვიდა ჩვენი დრო. უკრაინა დღეს ევროპის გულია და ჩვენ გვეშინია მისი დაკარგვის. დადგა დრო, რომ ყველა უკრაინელი გაერთიანდეს იმათ წინააღმდეგ ვინც ქვეყანას სპობს. უკრაინას გაუმარჯოს", - მიმართა სააკაშვილმა მოსახლეობას.

აქციაზე უკრაინის ჰიმნი შესრულდა. აქციის მონაწილეებმა პროტესტის ნიშნად წითელი ბარათები დაიკავეს. მიხეილ სააკაშვილის ორგანიზებული მიტინგის პირდაპირი ტრანსლაცია მისავე ოფიციალურ საიტზე მიმდინარეობს. 

ცნობისთვის, აქციას საქართველოს ყოფილი პრეზიდენტის მიხეილ სააკაშვილის მეუღლე სანდრა რულოვსიც ესწრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი